ဘုရားအဖြစ်ကနေလူ့ဇာတိကိုခံယူခဲ့သူ!
ကမ္ဘာပေါ်မှာအသက်ရှင်တဲ့လူတွေထဲမှာယေရှုကအကျော်ကြားဆုံးလူတစ်ယောက်ဖြစ်တယ်။ဒါပေမယ့်သူကသာမန်လူတစ်ယောက်ပဲမဟုတ်ပါဘူး၊သူပြုခဲ့တဲ့အံဩဖွယ်နမိလက္ခဏာတွေ၊လုံးဝအပြစ်မရှိပဲပြီးပြည့်စုံစွာအသက်ရှင်ခဲ့တာတွေသည်ယေရှုကဘုရားဖြစ်တယ်ဆိုတာပြသနေပါတယ်။အဓိကကျတဲ့မေးခွန်းက-ဘုရားဖြစ်ရက်နဲ့ဘာကြောင့်များလောကကိုလူသားအဖြစ်ဆင်းလာခဲ့ရတာလဲ?
ဘုရား၁၀၀%
(၁၈)ယေရှုခရစ်သည်ဘွားမြင်ခြင်းကို ခံတော်မူသောအကြောင်းအရာဟူမူကား၊ မယ်တော်မာရိသည် ယောသပ်နှင့် ထိမ်းမြားဆောင်နှင်း၍ မရှက်တင်မှီတွင် သန့်ရှင်းသောဝိညာဉ်တော်ကြောင့် ပဋိသန္ဓေစွဲနေ၏။
(၁၉)သူ၏ခင်ပွန်းယောသပ်သည် သူတော်ကောင်းဖြစ်၍၊ မာရိအသရေကို မပျက်စေချင်သောကြောင့် တိတ်ဆိတ်စွာစွန့်ပယ်မည်ဟု အကြံရှိ၏။
(၂၀)ထိုသို့ ကြံစည်၍နေစဉ်တွင် အိပ်မက်ကိုမြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုးယောသပ်၊ သင်၏ခင်ပွန်းမာရိကို ထိန်းသိမ်းရမည်အခွင့်ကို မစိုးရိမ်နှင့်။ ဤပဋိသန္ဓေ သည် သန့်ရှင်းသောဝိညာဉ်တော်ကြောင့်ဖြစ်၏။
(၂၁)သားယောက်ျားကို ဘွားမြင်လိမ့်မည်။ ထိုသားသည် မိမိလူတို့ကိုအပြစ်မှ ကယ်ချွတ် မည်သူဖြစ်သော ကြောင့်၊ ယေရှု ဟူသောအမည်ဖြင့် မှည့်ရမည်ဟု ကောင်းကင်တမန်ဆို၏။
(၂၂)ထိုအကြောင်းအရာမူကား၊ ထာဝရဘုရားသည် ပရောဖက်ဖြင့်ထားတော်မူသော ဗျာဒိတ်တော် ပြည့်စုံ မည် အကြောင်းအတည်း။
(၂၃)ဗျာဒိတ်တော်အချက်ဟူမူကားကြည့်ရှုလော့။ သတို့သမီးကညာသည်ပဋိသန္ဓေစွဲယူ၍သားယောက်ျားကို ဘွားမြင်လတံ့။ ထိုသားကို ဧမာနွေလအမည်ဖြင့် မှည့်ရကြလတံ့ဟုလာသတည်း။ ဧမာနွေလအနက်ကား ငါတို့နှင့်အတူ ရှိတော်မူသောဘုရားသခင်ဟု ဆိုလိုသတည်း။
(၂၄)ယောသပ်သည် အိပ်ပျော်ရာမှနိုးလျှင် ထာဝရဘုရား၏ကောင်းကင်တမန်မှာထားသည့်အတိုင်းပြု၍ မိမိခင်ပွန်းကို ထိန်းသိမ်းလေ၏။
(၂၅)သို့သော်လည်း၊ သားဦးကို မဘွားမှီတိုင်အောင် သံဝါသမပြုဘဲနေ၏။ ထိုသားကိုလည်း ယေရှုဟူသော အမည်ဖြင့် မှည့်လေ၏။
ယေရှုမွေးဖွားခဲ့ခြင်းနဲ့ပက်သက်ပြီးထူးခြားတာကဘာဖြစ်မလဲ?
မသဲ၈:၁-၃
(၁)ကိုယ်တော်သည် တောင်ပေါ်မှဆင်းကြွတော်မူလျှင်၊ များစွာသောလူအပေါင်းတို့သည် နောက်တော်သို့ လိုက်ကြ၏။
(၂)ထိုအခါ နူနာစွဲသောသူတယောက်သည် ညွတ်ပြပ်လျက်၊ သခင်အလိုတော်ရှိလျှင် ကျွန်တော်ကို သန့်ရှင်းစေနိုင်တော်မူသည်ဟု လျှောက်လေ၏။
(၃)ယေရှုကလည်း ငါအလိုရှိ၏။ သန့်ရှင်းခြင်းသို့ ရောက်စေဟု မိန့်တော်မူလျက် လက်တော်ကိုဆန့်၍ ထိုသူကို တို့တော်မူ၏။ ထိုခဏခြင်းတွင် နူနာပျောက်၍ သန့်ရှင်းခြင်းသို့ရောက်လေ၏။
မသဲ၈:၁၄-၁၇
(၁၄)ထိုနောက်မှ ယေရှုသည် ပေတရုအိမ်သို့ကြွ၍ ပေတရု၏ ယောက္ခမသည် ဖျားနာစွဲလျက် တုံးလုံးနေ သည်ကို တွေ့မြင်တော်မူ၏။
(၁၅)ထိုမိန်းမ၏လက်ကို တို့တော်မူလျှင်၊ သူသည် အဖျားပျောက်သဖြင့် ထ၍ ဧည့်သည်ဝတ်ကို ပြုလေ၏။
(၁၆)ညဦးယံ၌ နတ်ဆိုးစွဲသောသူအများတို့ကို အထံတော်သို့ ဆောင်ခဲ့၍ နှုတ်တော်မြွက်ကာမျှနှင့် ထိုနတ် တို့ကို နှင်ထုတ်တော်မူ၏။ နာသောသူရှိသမျှတို့ကို သက်သာစေတော်မူ၏။
(၁၇)ထိုအကြောင်းအရာမူကား၊ သူသည် အကျွန်ုပ်တို့ အနာရောဂါဝေဒနာများကို ယူတင်ဆောင်ရွက်လေ သည်ဟု ပရောဖက်ဟေရှာယ ဟောဘူးသောစကား ပြည့်စုံမည်အကြောင်း ဖြစ်သတည်း။”
သခင်ယေရှုကဘုရားဖြစ်ကြောင်းကိုဘယ်လိုပြသခဲ့သလဲ?
(၆၆)မိုဃ်းလင်းသောအခါ လူတို့တွင် အကြီးအကဲဖြစ်သောသူ၊ ယဇ်ပုရောဟိတ်အကြီး၊ ကျမ်းပြုဆရာတို့ သည် စည်းဝေး၍ ကိုယ်တော်ကို လွှတ်တော်သို့ ဆောင်သွားပြီးလျှင်၊
(၆၇)သင်သည် ခရစ်တော်မှန်လျှင် ငါတို့အား ပြောလော့ဟုဆိုကြ၏။ ယေရှုကလည်း၊ ငါပြောလျှင် သင်တို့ သည် မယုံ။
(၆၈)ငါမေးလျှင်လည်း သင်တို့သည် မဖြေဘဲ၊ ငါ့ကို မလွှတ်ဘဲနေကြလိမ့်မည်။
(၆၉)နောက်၌ လူသားသည် ဘုရားသခင်၏ တန်ခိုးတော်လက်ျာဘက်၌ ထိုင်တော်မူလတံ့ဟု မိန့်တော်မူ သော်၊
(၇၀)ထိုသူအပေါင်းတို့က၊ သို့ဖြစ်၍ သင်သည် ဘုရားသခင်၏ သားတော်မှန်သည်တကားဟု ဆိုကြလျှင်၊ သင်တို့ဆိုသည်အတိုင်းမှန်သည်ဟု မိန့်တော်မူ၏။
(၇၁)ထိုသူတို့ကလည်း၊ အဘယ်သက်သေလိုသေးသနည်း။ သူ၏စကားကို ငါတို့ကိုယ်တိုင် ကြားရပြီဟု ဆိုကြ၏။”
သခင်ယေရှုကိုယ်တိုင် , သူကဘယ်သူဖြစ်တယ်ဆိုတာကို ,ဘယ်လိုပြောခဲ့သလဲ?
(၂)သေခြင်းမှထမြောက်တော်မူ၍၊
(၃)သန့်ရှင်းသောဝိညာဉ်အားဖြင့် ၊
(၄)တန်ခိုးနှင့်တကွ ဘုရားသခင်၏သားတော် ထင်ရှားဖြစ်တော်မူသော ငါတို့သခင်ယေရှုခရစ်တည်း ဟူသော မိမိသားတော်ကို အကြောင်းပြု၍ ဘုရားသခင် သည် ရှေးကမိမိပရောဖက်များအားဖြင့်၊ သန့်ရှင်းသော ကျမ်းစာ၌ ဂတိထားတော်မူသော ဧဝံဂေလိတရားကို ဟောစေခြင်းငှါ၊ ရွေးချယ်ခွဲထား၍ တမန်တော်အရာ၌ ခန့်ထားသော ယေရှုခရစ်၏ ကျွန်ငါပေါလုသည်၊
သခင်ယေရှုအသေခံပြီးနောက်ဘာတွေဆက်ဖြစ်ခဲ့သလဲ?
လူသား၁၀၀%
(၅)ယေရှုခရစ်၌ရှိသော ထိုစိတ်သဘောကို သင်တို့၌လည်း ရှိစေကြလော့။
(၆)ထိုသခင်သည် ဘုရားသခင်၏ သဏ္ဌာန်တော်နှင့် ပြည့်စုံတော်မူသည်ဖြစ်၍၊ ဘုရားသခင်နှင့် ပြိုင်သောအမှုကို လုယူခြင်းအမှုဟူ၍ မထင်မမှတ်လျက်ပင်၊
(၇)မိမိအသရေကိုစွန့်၍ အစေခံကျွန်၏သဏ္ဌာန်ကို ယူဆောင်လျက်၊ လူကဲ့သို့သောအဖြစ်၌ ဘွားမြင်ခြင်းကို ခံတော်မူ၏။
လူ့ဇာတိခံယူဖို့သခင်ယေရှုဘာတွေစွန့်လွှတ်ခဲ့ရလဲ?
(၁၄)ထိုသူငယ်တို့သည် အသွေးအသားနှင့် ဆက်ဆံကြသောကြောင့်၊ ခရစ်တော်သည် အသေခံတော်မူ သောအားဖြင့်၊ သေခြင်းတရားကို အစိုးရသော သူတည်းဟူသော မာရ်နတ်၏ တန်ခိုးကိုချိုးဖဲ့ ဖျက်ဆီး ခြင်းငှါ၎င်း၊
၁၅သေဘေးကိုကြောက်၍ တသက်လုံး ကျွန်ခံရသော သူတို့ကို ကယ်လွှတ်ခြင်းငှါ၎င်း၊ ထိုသူငယ်တို့၏ နည်းတူ အသွေးအသားကို ဆောင်ယူတော်မူ၏။
၁၆အကြောင်းမူကား၊ ခရစ်တော်သည် ကောင်းကင်တမန်တို့ကို မစတော်မူသည်မဟုတ်၊ အာဗြဟံအမျိုး ကို မစတော်မူ၏။
၁၇ထိုကြောင့်၊ ခရစ်တော်သည် လူတို့၏ အပြစ်ဖြေစရာအကြောင်းကို စီရင်၍၊ ဘုရားသခင်နှင့် စပ်ဆိုင် သောအရာတို့၌ ကရုဏာနှင့်၎င်း၊ သစ္စာနှင့်၎င်း ပြည့်စုံသော ယဇ်ပုရောဟိတ်အကြီးဖြစ်အံ့သောငှါ၊ မိမိညီအစ်ကို တို့နှင့် လုံးလုံးတူရသော အကြောင်းရှိ၏။
၁၈ထိုသို့စုံစမ်းနှောင့်ရှက်ခြင်းကို ကိုယ်တော်တိုင်ခံ၍ ဒုက္ခဆင်းရဲခြင်း၌ ကျင်လည်သောကြောင့်၊ စုံစမ်း နှောင့်ရှက်ခြင်းအမှုနှင့် တွေ့ကြုံသောသူတို့ကို မစခြင်းငှါ တတ်နိုင်တော်မူ၏။
သခင်ယေရှုကကျွန်တော်တို့လူသားတွေနဲ့တူအောင်ဘယ်အရာတွေလုပ်ခဲ့ရတာလဲ?
(၁၄)ယခုမူကား၊ ကောင်းကင်ဘုံထဲသို့ ကြွဝင်တော်မူသော ယဇ်ပုရောဟိတ်မင်းအကြီးတည်းဟူသော ဘုရားသခင်၏ သားတော်ယေရှုသည် ငါတို့၌ ယဇ်ပုရောဟိတ်မင်း ဖြစ်တော်မူသောကြောင့်၊ ငါတို့သည် ဝန်ခံခဲ့ပြီးသောအရာ၌ တည်ကြည်ကြကုန်အံ့၊
(၁၅)ငါတို့ယဇ်ပုရောဟိတ်မင်းသည် ငါတို့ခံရသော ဆင်းရဲဒုက္ခများကြောင့် မကြင်နာနိုင်သောသူမဟုတ်။ ငါတို့ခံရသည်နည်းတူ၊ အမျိုးမျိုးသော စုံစမ်းနှောင့်ရှက်ခြင်းတို့ကို ခံဘူးသောသူဖြစ်တော်မူ၏။ သို့ရာတွင်၊ ဒုစရိုက်အပြစ်နှင့် ကင်းလွတ်တော်မူ၏။
(၁၆)ထို့ကြောင့်၊ ငါတို့သည် သနားခြင်း ကရုဏာကို၎င်း၊ တော်လျော်သောမစခြင်း ကျေးဇူးတော်ကို၎င်း ခံရမည်အကြောင်း၊ ရဲရင့်သောစိတ်နှင့် ကျေးဇူးပလ္လင်တော်သို့ တိုးဝင် ချည်းကပ်ကြကုန်အံ့။
သခင်ယေရှုကကျွန်တော်တို့ဘဝကိုနားလည်တယ်ဆိုတာဘယ်အရာအားဖြင့်သိနိုင်မလဲ?သခင်ယေရှု,လူသားတွေနဲ့မတူတဲ့အရာကဘာဖြစ်မလဲ?
သခင်ယေရှုကဘာကြောင့်လူ့ဇာတိကိုခံယူခဲ့တာလဲ?
(၁၆)ဘုရားသခင်၏သားတော်ကို ယုံကြည်သောသူအပေါင်းတို့သည်၊ ပျက်စီးခြင်းသို့မရောက်၊ ထာဝရ အသက်ကို ရစေခြင်းငှါ၊ ဘုရားသခင်သည် မိမိ၌ တပါးတည်းသော သားတော်ကို စွန့်တော်မူသည်တိုင်အောင် လောကီသားကို ချစ်တော်မူ၏။
ဘုရားရှင်ကသခင်ယေရှုကိုဘာကြောင့်လောကထဲစေလွှတ်ခဲ့တာလဲ?
(၆)ငါတို့သည် အကျိုးနည်းရှိစဉ်တွင် အချိန်တန်မှ ခရစ်တော်သည် မတရားသောသူတို့အတွက်ကြောင့် အသေခံတော်မူ၏။
(၇)ဖြောင့်မတ်သောသူအတွက်ကြောင့် အသေခံ မည့်သူရှိခဲ၏။ သူတော်ကောင်းအတွက်ကြောင့် အသေခံ ဝံ့သောသူရှိကောင်းရှိလိမ့်မည် မှန်စေတော့။
(၈)ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍၊ ဘုရား သခင်သည် ငါတို့ကို အဘယ်မျှလောက်ချစ်တော်မူသည်ကို ငါတို့အား ထင်ရှားစွာပြတော်မူ၏။
ဘုရားရှင်ကကျွန်တော်တို့အပေါ်ထားတဲ့သူ့အချစ်ကိုဘယ်လိုဖော်ပြခဲ့လဲ?
(၂၁)အဘယ်ကြောင့်နည်းဟူမူကား၊ ဘုရားသခင် သည်အပြစ်နှင့် ကင်းစင်သောသူကို ငါတို့အတွက်ကြောင့် အပြစ်ရှိသောသူဖြစ်စေတော်မူ၏။ အကြောင်းမူကား၊ ငါတို့သည်ထိုသူအားဖြင့် ဘုရားသခင်ရှေ့တော်၌ ဖြောင့်မတ်သောသူဖြစ်မည်အကြောင်းတည်း။
ကျွန်တော်တို့ကိုကယ်တင်နိုင်ဖို့သခင်ယေရှုဘာတွေလုပ်ခဲ့ရသလဲ?
သူငယ်ချင်းတယောက်ယောက်နဲ့အတူဆွေးနွေးရအောင်
- သခင်ယေရှုကိုဘာကြောင့်ယုံတာလဲ?
- သူကစစ်မှန်တယ်ဆိုတာဘယ်လိုသိနိုင်မလဲ?
- သခင်ယေရှုနဲ့ပက်သက်ပြီးသင့်မှာမေးစရာတွေရှိလား?
လက်တွေ့အသုံးချခြင်း
- သခင်ယေရှုသာအခုဒီနားမှာရှိတယ်ဆိုသင်ဘာတွေပြောချင်လဲ?
- သူ့ကိုဘာတွေမေးချင်လဲ?
- သင့်ရဲ့ဘဝကိုသခင်ယေရှုဘယ်လိုကူညီနိုင်မယ်လိုသင်ထင်သလဲ?
- သခင်ယေရှုရဲ့အချစ်နဲ့ခွင့်လွှတ်ပေးခြင်းကိုသင်ခံယူချင်သလား?
ဒီလိုဆုတောင်းရအောင်
အရှင်ယေရှုဘုရား,ကိုယ်တော်ကိုကျွန်ုပ်ကိုးကွယ်ပါတယ်၊ကျွန်ပ်ကိုကယ်တင်ဖို့လောကကို ဆင်းသက်လာခဲ့ပေးလို့ကျေးဇူးတင်ပါတယ်။ကျွန်ုပ်အပြစ်တွေအတွက်အသေခံခဲ့ပေးလို့ကျေးဇူးတင်ပါတယ်။ကျွန်ုပ်ကိုခွင့်လွှတ်လျှက်အသက်တာတစ်ခုလုံးကို လုံးဝအသစ်ဖြစ်စေပါ။ယခု ကျွန်ုပ်ကိုယ်တော်အတွက်အသက်ရှင်ပါမယ်-ကိုယ်တော်နဲ့တူချင်ပါတယ်။
အဓိကကျမ်းချက်
“ဘု ရား သ ခင် ၏ သား တော် ကို ယုံ ကြည် သော သူ အ ပေါင်း တို့ သည် ပျက် စီး ခြင်း သို့ မ ရောက်၊ ထာ ဝ ရ အ သက် ကို ရ စေ ခြင်း ငှါ၊ ဘု ရား သ ခင် သည် မိ မိ ၌ တ ပါး တည်း သော သား တော် ကို စွန့် တော် မူ သည် တိုင် အောင် လော ကီ သား တို့ ကို ချစ် တော် မူ ၏။”