தேவனை நம்பி இருப்பது, அவர் நமக்கென வைத்துள்ள சிறப்பான எதிர்காலத்தை நோக்கி நடக்க உதவுகிறது. தேவனை நம்புவதற்கு முன், நாம் அவரின் குணநலன்களையும், அவரில் நமது அடையாளத்தையும் தெரிந்து கொள்ள வேண்டும்.
தேவனின் குணம்
நாம் தேவனை அறிந்து, தெரிந்து கொண்டால் தான், அவரை நம்ப முடியும்.
(13) நீங்கள் உங்கள் வஸ்திரங்களையல்ல, உங்கள் இருதயங்களைக் கிழித்துக் கொள்ளுங்கள் உங்கள் தேவனாகிய கர்த்தர் இடத்தில் திரும்புங்கள்; அவர் இரக்கமும், மன உருக்கமும், நீடிய சாந்தமும், மிகுந்த கிருபையுமுள்ளவர்; அவர் தீங்குக்கு மனஸ்தாபப்படுகிறவருமாயிருக்கிறார்.
இந்த வசனதிலிருந்து தேவனைப் பற்றி நாம் கற்றுக் கொள்வது என்ன?
(16) தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப்போகாமல் நித்தியஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்பு கூர்ந்தார்.
(17) உலகத்தை ஆக்கினைக்குள்ளாகத் தீர்க்கும்படி தேவன் தம்முடைய குமாரனை உலகத்தில் அனுப்பாமல், அவராலே உலகம் இரட்சிக்கப்படுவதற்காகவே அவரை அனுப்பினார்.
தேவன் செய்தது என்ன? ஏன் அவர் அவ்வாறு செய்தார்?
தேவனின் குனநலன்களைப் பற்றி இவ்வசனம் வெளிப்படுத்துவது என்ன?
(10) திருடன் திருடவும் கொல்லவும் அழிக்கவும் வருகிறானேயன்றி வேறொன்றுக்கும் வரான். நானோ அவைகளுக்கு ஜீவன் உண்டாயிருக்கவும், அது பரிபூரணப்படவும் வந்தேன்.
இயேசு எதற்காக இவ்வுலகத்திற்கு வந்தார்?
தேவனில் நமது அடையாளம்
இயேசுவின் மீது நாம் கொண்டுள்ள உறவின் வழியாக ஏற்கனவே மன்னிக்கப்பட்டு தேவனோடு நாம் நீதிமான்கள் ஆக்கப்பட்டோம் என தெரிந்து கொள்வதின் வழியாக தேவன் மீது நம்பிக்கையும் மன உறுதியும் வரும்.
பின்வரும் வசனத்தை வாசியுங்கள்; உங்கள் அடையாளத்தை குறித்து அது கூறுவது என்ன?
(12) பிள்ளைகளே, அவருடைய நாமத்தினிமித்தம் உங்கள் பாவங்கள் மன்னிக்கப்பட்டிருக்கிறதினால் உங்களுக்கு எழுதுகிறேன்.
தம்முடைய தயவுள்ள சித்தத்தின்படியே, நம்மை இயேசுகிறிஸ்து மூலமாய்த் தமக்குச் சுவிகாரபுத்திரராகும்படி முன்குறித்திருக்கிறார்.
(17) அன்றியும், வானத்திலிருந்து ஒரு சத்தம் உண்டாகி: இவர் என்னுடைய நேசகுமாரன், இவரில் பிரியமாயிருக்கிறேன் என்று உரைத்தது.
தேவனை நம்புதல்
நாம் தேவனை நம்பி இருக்கும் போது, நம் எதிர்காலம் சிறப்பாக இருக்கும் எனும் உறுதியை நமக்கு அளிக்கிறது.
(11) நீங்கள் எதிர்பார்த்திருக்கும் முடிவை உங்களுக்குக் கொடுக்கும்படிக்கு நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர் சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே.
உங்களுக்கென தேவன் வைத்துள்ள திட்டம் என்ன?
தேவனைப் போல நீங்களும் அத்திட்டத்தை காண முடிகிறதா?
உங்கள் வருங்காலத் திட்டத்தைக் குறித்து நீங்கள் எத்தகைய நம்பிக்கை வைத்துள்ளீர்கள்?
(26) இயேசு, அவர்களைப் பார்த்து: மனுஷரால் இது கூடாததுதான்; தேவனாலே எல்லாம் கூடும் என்றார்.
நாம் தேவனை நம்பினால் எதெல்லாம் கூடும்?
உன் சுயபுத்தியின்மேல் சாயாமல், உன் முழு இருதயத்தோடும் கர்த்தரில் நம்பிக்கையாயிருந்து…
உன் வழிகளிலெல்லாம் அவரை நினைத்துக்கொள்; அப்பொழுது அவர் உன் பாதைகளைச் செவ்வைப்படுத்துவார்.
தேவன் உங்களை என்ன செய்ய சொல்கிறார்? ஏன்?
நண்பனிடம் கேள்
தேவனில் நம்பிக்கை கொள்ளும்போது உங்களுக்கு தடையாக உள்ள காரியம் என்ன?
எவ்வாறு தேவன் மீது அதிகமாக சார்ந்து இருக்க முடியும்?
வாழ்க்கை நடைமுறை
நீங்கள் எதை நம்பி இருக்கிறீர்கள்?
நமது எதிர்காலத்தை கருத்தில் கொண்டு, நம்பிக்கையை செயல்படுத்தி, தேவனை நம்பியிருப்போம்.
மாதிரி ஜெபம்
அப்பா, நீர் என்னோடு எப்போதும் இருப்பதற்காக நன்றி! நீர் எனக்காக ஒரு நல்ல திட்டத்தை வைத்துள்ளீர். நான் உம்மோடு உறவில் நெருங்கி வரும் இவ்வேளையில், உம்மை மட்டும் நம்ப எனக்கு உதவி செய்யும் உம்முடைய வழிகளை எனக்கு காட்டி என் எதிர்காலத்திற்கு என்னை தயார் செய்யும்.
குறிப்பு வசனம்
நீங்கள் எதிர்பார்த்திருக்கும் முடிவை உங்களுக்குக் கொடுக்கும்படிக்கு நான் உங்கள்பேரில் நினைத்திருக்கிற நினைவுகளை அறிவேன் என்று கர்த்தர் சொல்லுகிறார்; அவைகள் தீமைக்கல்ல, சமாதானத்துக்கேதுவான நினைவுகளே.
