جب کوئی عمارت تعمیر کی جا تی ہے، تو بنیاداُس پورے ڈھانچے کا وزن اُٹھاتی ہے۔ لہذا، عمارت جتنی اونچی ہوگی، بنیادیں اتنی ہی گہری ہونا ضروری ہے۔ اور ایسا ہی ہوتا ہے
جب ہم اپنی زندگی کو ایک مضبوط بنیاد (خدا کا کلام) پر استوار کرتے ہیں، ہم جتنا گہرائی میں جائیں گے، اتنا ہی زیادہ وزن ہم برداشت کرنے کے قابل ہو جائیں گے۔لہذا، ہم جتنا زیادہ خدا کے کلام کو پڑھیں گے، لکھیں گے، غور کریں گے، حفظ کریں گے اور اُس پر عمل کریں گے، اُسے اپنی زندگیوں میں لاگو کریں گے، ہماری بنیاد اتنی ہی مضبوط ہوگی۔
مسیحی بنیاد کا پتھر – حصہ 1
(9) کیونکہ ہم خُدا کے ساتھ کام کرنے والے ہیں۔ تُم خُدا کی کھیتی اور خُدا کی عِمارت ہو۔
(10) مَیں نے اُس تَوفِیق کے مُوافِق جو خُدا نے مُجھے بخشی دانا مِعمار کی طرح نیو رکھّی اور دُوسرا اُس پر عِمارت اُٹھاتا ہے۔ پس ہر ایک خبردار رہے کہ وہ کَیسی عِمارت اُٹھاتا ہے۔
(11) کیونکہ سِوا اُس نیو کے جو پڑی ہُوئی ہے اور وہ یِسُوؔع مسِیح ہے کوئی شخص دُوسری نہیں رکھ سکتا۔
پہلی بنیاد کون ہے؟
(42) اور یہ رسُولوں سے تعلِیم پانے اور رفاقت رکھنے میں اور روٹی توڑنے اور دُعا کرنے میں مشغُول رہے۔
رسولوں اور انبیاء کی تعلیم ایک اہم بنیاد ہے۔
ایمان داروں نے کیا کیا؟
کیا آپ زندگی کی بنیاد چرچ یا کسی مسیحی گرو میں رکھی گئی ہے ؟
لوقا 28:14
(28) کیونکہ تُم میں اَیسا کَون ہے کہ جب وہ ایک بُرج بنانا چاہے تو پہلے بَیٹھ کر لاگت کا حِساب نہ کر لے کہ آیا میرے پاس اُس کے تیّار کرنے کا سامان ہے یا نہیں؟
لوقا 33:14
(33) پس اِسی طرح تُم میں سے جو کوئی اپنا سب کُچھ ترک نہ کرے وہ میرا شاگِرد نہیں ہو سکتا۔
عمارت کے لئے بہت بڑی قیمت چاہئے ۔ کیا آپ نے قیمت کا اندازہ لگا لیا ہے؟
(4) اُس کے یعنی آدمِیوں کے ردّ کِئے ہُوئے پر خُدا کے چُنے ہُوئے اور قِیمتی زِندہ پتّھر کے پاس آ کر۔
(5)تُم بھی زِندہ پتّھروں کی طرح رُوحانی گھر بنتے جاتے ہو تاکہ کاہِنوں کا مُقدّس فِرقہ بن کر اَیسی رُوحانی قُربانِیاں چڑھاؤ جو یِسُوؔع مسِیح کے وسِیلہ سے خُدا کے نزدِیک مقبُول ہوتی ہیں۔
ہم کون ہیں؟ ہم کیا تعمیر کر رہے ہیں؟
(19) پس اب تُم پردیسی اور مُسافر نہیں رہے بلکہ مُقدّسوں کے ہم وطن اور خُدا کے گھرانے کے ہو گئے۔
(20) اور رسُولوں اور نبِیوں کی نیو پر جِس کے کونے کے سِرے کا پتّھر خُود مسِیح یِسُوع ہے تعمِیر کِئے گئے ہو۔
(21) اُسی میں ہر ایک عِمارت مِل مِلا کر خُداوند میں ایک پاک مَقدِس بنتا جاتا ہے۔
(22) اور تُم بھی اُس میں باہم تعمِیر کِئے جاتے ہو تاکہ رُوح میں خُدا کا مسکن بنو۔
ہم میں کون رہتا ہے؟
پوچھیں
- ماضی میں آپ کی بنیاد کا پتھر رکھنے میں کس نے مدد کی؟
- یہ آج آپ کی کیسے مدد کر سکتا ہے؟
اطلاق
- کیا میری بنیاد کا کچھ حصہ ایسا ہے جسے مضبوط ہو نے کی ضرورت ہے؟
- میں اُس حصے کو کیسے مضبوط کر سکتا ہوں؟
- ایک ساتھ بات چیت کریں اور دعا کریں۔
دعا کا نمونہ
خداوند یسوع، میں ایک مضبوط بنیاد رکھنا چاہتا ہوں۔ میں آپ کے کلام کو قبول کرنے اور اسے اپنی زندگی میں لاگو کرنے کے لیے پرعزم دل کی درخواست کرتا ہوں۔ میں چاہتا ہوں کہ میری زندگی تجھ میں مضبوط ہوتی جائے اور ہر روز خوشی سے بھرتی جائے۔
اہم آیت
پس جِس طرح تُم نے مسِیح یِسُوؔع خُداوند کو قبُول کِیا اُسی طرح اُس میں چلتے رہو۔ اور اُس میں جَڑ پکڑتے اور تعمِیر ہوتے جاؤ اور جِس طرح تُم نے تعلِیم پائی اُسی طرح اِیمان میں مضبُوط رہو اور خُوب شُکرگُذاری کِیا کرو۔
