ہمارا مدد گار اور قوت بخشنے والا
یسوع کے آسمان پر واپس جانے سے پہلے ، اس نے اپنے شاگردوں سے کہا کہ روح القدس ان کی مدد اور ان کو بااختیار بنانے کے لیے آئے گا۔ روح القدس خدا ہے ، جس طرح خدا باپ اور بیٹا یسوع خدا ہیں۔ ہم روح القدس سے ذاتی طور پر تعلق رکھ سکتے ہیں۔ اس نے خدا کے بارے میں سمجھنے میں پہلے ہی آپ کی مدد کی ہے۔
پاک روح ہماری مدد کرتا ہے۔
پاک روح کیسے ہماری مدد کرتا ہے ؟
(26)
لیکن مددگار یعنی رُوحُ القُدس جِسے باپ میرے نام سے بھیجے گا وُہی تُمہیں سب باتیں سِکھائے گا اور جو کُچھ مَیں نے تُم سے کہا ہے وہ سب تُمہیں یاد دِلائے گا۔
اور وہ آ کر دُنیا کو گُناہ اور راست بازی اور عدالت کے بارے میں قصُوروار ٹھہرائے گا۔(8)
(13)
لیکن جب وہ یعنی رُوحِ حق آئے گا تو تُم کو تمام سچّائی کی راہ دِکھائے گا۔ اِس لِئے کہ وہ اپنی طرف سے نہ کہے گا لیکن جو کُچھ سُنے گا وُہی کہے گا اور تُمہیں آیندہ کی خبریں دے گا۔
پاک روح ہمیں زندگی دیتا ہے؟
کن طریقوں سے پاک روح ہماری زندگی کو تبدیل کرتا ہے؟
(5) یِسُوؔع نے جواب دِیا کہ مَیں تُجھ سے سچ کہتا ہُوں جب تک کوئی آدمی پانی اور رُوح سے پَیدا نہ ہو وہ خُدا کی بادشاہی میں داخِل نہیں ہو سکتا۔
(6) جو جِسم سے پَیدا ہُؤا ہے جِسم ہے اور جو رُوح سے پَیدا ہُؤا ہے رُوح ہے۔
(7) تعجُّب نہ کر کہ مَیں نے تُجھ سے کہا تُمہیں نئے سِرے سے پَیدا ہونا ضرُور ہے۔
(8) ہوا جِدھر چاہتی ہے چلتی ہے اور تُو اُس کی آواز سُنتا ہے مگر نہیں جانتا کہ وہ کہاں سے آتی اور کہاں کو جاتی ہے۔ جو کوئی رُوح سے پَیدا ہُؤا اَیسا ہی ہے۔
(2) کیونکہ زِندگی کے رُوح کی شرِیعت نے مسِیح یِسُوؔع میں مُجھے گُناہ اور مَوت کی شرِیعت سے آزاد کر دِیا۔
(22) مگر رُوح کا پھل مُحبّت۔ خُوشی۔ اِطمِینان۔ تحمُّل۔ مِہربانی۔ نیکی۔ اِیمان داری۔ حِلم۔ پرہیزگاری ہے۔
(23) اَیسے کاموں کی کوئی شرِیعت مُخالِف نہیں۔
(24) اور جو مسِیح یِسُؔوع کے ہیں اُنہوں نے جِسم کو اُس کی رَغبتوں اور خواہِشوں سمیت صلِیب پر کھینچ دِیا ہے۔
(25) اگر ہم رُوح کے سبب سے زِندہ ہیں تو رُوح کے مُوافِق چلنا بھی چاہیے۔
پاک روح ہمیں با اختیار بناتا ہے۔
کن طریقوں سے پاک روح ہمیں با اختیار بناتا ہے؟
(11) مَیں تو تُم کو تَوبہ کے لِئے پانی سے بپتِسمہ دیتا ہُوں لیکن جو میرے بعد آتا ہے وہ مُجھ سے زورآور ہے۔ مَیں اُس کی جُوتِیاں اُٹھانے کے لائِق نہیں۔ وہ تُم کو رُوحُ القُدس اور آگ سے بپتِسمہ دے گا۔
(4) اور وہ سب رُوحُ القُدس سے بھر گئے اور غَیر زُبانیں بولنے لگے جِس طرح رُوح نے اُنہیں بولنے کی طاقت بخشی۔
(4) نِعمتیں تو طرح طرح کی ہیں مگر رُوح ایک ہی ہے۔
(5) اور خِدمتیں بھی طرح طرح کی ہیں مگر خُداوند ایک ہی ہے۔
(6) اور تاثِیریں بھی طرح طرح کی ہیں مگر خُدا ایک ہی ہے جو سب میں ہر طرح کا اثر پَیدا کرتا ہے۔
(7) لیکن ہر شخص میں رُوح کا ظہُور فائِدہ پُہنچانے کے لِئے ہوتا ہے۔
(8) کیونکہ ایک کو رُوح کے وسِیلہ سے حِکمت کا کلام عِنایت ہوتا ہے اور دُوسرے کو اُسی رُوح کی مرضی کے مُوافِق عِلمِیّت کا کلام۔
(9) کِسی کو اُسی رُوح سے اِیمان اور کِسی کو اُسی ایک رُوح سے شِفا دینے کی تَوفِیق۔
(10) کِسی کو مُعجِزوں کی قُدرت۔ کِسی کو نبُوّت۔ کِسی کو رُوحوں کا اِمتِیاز۔ کِسی کو طرح طرح کی زُبانیں۔
(11) لیکن یہ سب تاثِیریں وُہی ایک رُوح کرتا ہے اور جِس کو جو چاہتا ہے بانٹتا ہے۔
(8) لیکن جب رُوحُ القُدس تُم پر نازِل ہو گا تو تُم قُوّت پاؤ گے اور یروشلِیم اور تمام یہُودیہ اور سامرؔیہ میں بلکہ زمِین کی اِنتِہا تک میرے گواہ ہو گے۔
پاک روح کس مقصد کے لئے ہمیں با اختیار بناتا ہے؟
پاک روح ہم میں بستا ہے۔
یسوع مسیح نے وعدہ کیا کہ پاک روح ہم میں رہے گا۔ یوحنا 17:14
(17) یعنی رُوحِ حق جِسے دُنیا حاصِل نہیں کر سکتی کیونکہ نہ اُسے دیکھتی اور نہ جانتی ہے۔ تُم اُسے جانتے ہو کیونکہ وہ تُمہارے ساتھ رہتا ہے اور تُمہارے
اندر ہو گا۔
ہمارا بدن پاک روح کا مقدس ہے۔ (پہلا کر نتھیوں 19:6) یہ ایک ذریعہ ہے جس سے خدا دکھاتا ہے کہ ہم اُس کے ہیں۔ (دوسرا کر نتھیوں 22:1)
(19) کیا تُم نہیں جانتے کہ تُمہارا بدن رُوحُ القُدس کا مَقدِس ہے جو تُم میں بسا ہُؤا ہے اور تُم کو خُدا کی طرف سے مِلا ہے؟ اور تُم اپنے نہیں۔
(22) جِس نے ہم پر مُہر بھی کی اور بَیعانہ میں رُوح کو ہمارے دِلوں میں دِیا۔
اپنے دوست سے پوچھیں
-
کیسے پاک روح آپ کی مدد کرتا اور آپ کو با اختیار بناتا ہے؟
-
کیا پاک روح کے متعلق آپ کا کوئی اور سوال ہے؟
-
پاک روح کیسے آپ کی زندگی میں آپ کی مدد کرتا ہے؟
اطلاق
پڑھیں کہ یسوع مسیح نے اپنے شاگردوں سے کیا کہا۔ یوحنا 22:20
(22) اور یہ کہہ کر اُن پر پُھونکا اور اُن سے کہا رُوحُ القُدس لو۔
ہم اپنی زندگی میں پاک روح کو کیسے قبول کر سکتے ہیں؟
نمونے کی دُعا
پاک روح میں تیرا شکریہ ادا کرتا ہوں کہ تومیرے ساتھ ہے اور میرے اندر ہے۔تُو مجھے تسلی اور آرام دیتا ہے اور میری رہنمائی کرتا ہے۔ مہربانی سے مجھے اپنی طاقت سے بھر دے۔
اہم آیت
لیکن جب رُوحُ القُدس تُم پر نازِل ہو گا تو تُم قُوّت پاؤ گے اور یروشلِیم اور تمام یہُودیہ اور سامرؔیہ میں بلکہ زمِین کی اِنتِہا تک میرے گواہ ہو گے۔