ایک طاقتور نعمت/برکت
عبادت صرف اتوار کے دن گیت گانا نہیں ہے۔ عبادت طاقتور ہے، یہ آپ کی زندگی کو برکت دیتی اور بدل سکتی ہے۔ خدا کے لوگوں کے ایک ساتھ جشن منانے کے ساتھ ساتھ یہ ہر مسیحی کے لئے زندگی گزارنے کا ایک طریقہ بھی ہونا چاہئے۔
خدا کی عبادت
ہم خدا کی تعریف اور عبادت کیوں کرتے ہیں؟
(1) ہمارے خُدا کے شہر میں۔ اپنے کوہِ مُقدّس پر خُداوند بزُرگ اور بے حد سِتایش کے لائِق ہے۔
(1) !کیا ہی بھلا ہے خُداوند کا شُکر کرنا اور تیرے نام کی مدح سرائی کرنا اَے حق تعالیٰ
(11) خُداوند اُن سے خُوش ہے جو اُس سے ڈرتے ہیں اور اُن سے جو اُس کی شفقت کے اُمیدوار ہیں۔
عبادت ایک جشن ہے
خدا کی عبادت ایک ساتھ کرنے کے میں کچھ خاص اور طاقتور بات ہے۔
زبور 3:34
(3) میرے ساتھ خُداوند کی بڑائی کرو۔ ہم مِل کر اُس کے نام کی تمجِید کریں۔
زبور 22:102
(22) جب خُداوند کی عِبادت کے لِئے قَومیں اور مُملِکتیں مِل کر جمع ہوں۔
کون سے طریقے ہیں جن سے ہم خوش ہو کر خدا کی تعریف کر سکتے ہیں؟
(1) اَے سب اُمّتو! تالِیاں بجاؤ۔ خُدا کے لِئے خُوشی کی آواز سے للکارو۔
(1) خُداوند کی حمد کرو۔ خُداوند کے حضُور نیا گِیت گاؤ اور مُقدّسوں کے مجمع میں اُس کی مدح سرائی کرو۔
(2) اِسرائیل اپنے خالِق میں شادمان رہے۔ فرزندانِ صِیُّون اپنے بادشاہ کے سبب سے شادمان ہوں۔
وہ ناچتے ہُوئے اُس کے نام کی سِتایش کریں۔ وہ دَف اور سِتار پر اُس کی مدح سرائی کریں۔(3)
(1) خُداوند کی حمد کرو۔ تُم خُدا کے مَقدِس میں اُس کی حمد کرو۔
(2) اُس کی قُدرت کے فلک پر اُس کی حمد کرو۔ اُس کی قُدرت کے کاموں کے سبب سے اُس کی حمد کرو۔
(3) اُس کی بڑی عظمت کے مُطابِق اُس کی حمد کرو۔ نرسِنگے کی آواز کے ساتھ اُس کی حمد کرو۔ بربط اور سِتار پر اُس کی حمد کرو۔
(4)دَف بجاتے اور ناچتے ہُوئے اُس کی حمد کرو۔ تاردار سازوں اور بانسلی کے ساتھ اُس کی حمد کرو۔
(5) بُلند آواز جھانجھ کے ساتھ اُس کی حمد کرو۔ زور سے جھنجھناتی جھانجھ کے ساتھ اُس کی حمد کرو۔
(6) ہر مُتنفِّس خُداوند کی حمد کرے خُداوند کی حمد کرو
عبادت ایک طرز زندگی ہے
مندرجہ ذیل آیات پڑھیں اور ان پر تبادلہ خیال کریں۔
اپنی پوری زندگی کے ساتھ خداوند کی عبادت کرنے کا کیا مطلب ہے؟
(37) اُس نے اُس سے کہا کہ خُداوند اپنے خُدا سے اپنے سارے دِل اور اپنی ساری جان اور اپنی ساری عقل سے مُحبّت رکھ۔
(38) بڑا اور پہلا حُکم یِہی ہے۔
(1) پس اَے بھائِیو۔ مَیں خُدا کی رحمتیں یاد دِلا کر تُم سے اِلتماس کرتا ہُوں کہ اپنے بدن اَیسی قُربانی ہونے کے لِئے نذر کرو جو زِندہ اور پاک اور خُدا کو پسندِیدہ ہو۔ یِہی تُمہاری معقُول عِبادت ہے۔
(16) ہر وقت خُوش رہو۔
(17) بِلاناغہ دُعا کرو۔
(18) ہر ایک بات میں شُکرگُذاری کرو کیونکہ مسِیح یِسُوع میں تُمہاری بابت خُدا کی یہی مرضی ہے
(23) مگر وہ وقت آتا ہے بلکہ اب ہی ہے کہ سچّے پرستار باپ کی پرستِش رُوح اور سچّائی سے کریں گے کیونکہ باپ اپنے لِئے اَیسے ہی پرستار ڈُھونڈتا ہے۔
عبادت ایک طاقتور نعمت ہے
عبادت ہماری زندگیوں کے لئے ایک طاقتور نعمت ہے! خدا چاہتا ہے کہ ہم اس کی موجودگی سے لطف اندوز ہوں
(11) تُو مُجھے زِندگی کی راہ دِکھائے گا۔ تیرے حضُور میں کامِل شادمانی ہے۔ تیرے دہنے ہاتھ میں دائِمی خُوشی ہے۔
خدا کی تعریف میں ہم مشکل وقت میں بھی خوشی اور فتح حاصل کر سکتے ہیں
یسعیاہ 1:54
(1) اَے بانجھ تُو جو بے اَولاد تھی نغمہ سرائی کر! تُو جِس نے وِلادت کا درد برداشت نہیں کِیا خُوشی سے گا اور زور سے چِلاّ کیونکہ خُداوند فرماتا ہے کہ بے کس چھوڑی ہُوئی کی اَولاد شَوہر والی کی اَولاد سے زِیادہ ہے۔
یسعیاہ 3:61
(3)
صِیُّون کے غم زدوں کے لِئے یہ مُقرّر کر دُوں کہ اُن کو راکھ کے بدلے سِہرا اور ماتم کی جگہ خُوشی کا رَوغن اور اُداسی کے بدلے سِتایش کا خِلعت بخشُوں تاکہ وہ صداقت کے درخت اور خُداوند کے لگائے ہُوئے کہلائیں کہ اُس کا جلال ظاہِر ہو۔
(25) آدھی رات کے قرِیب پَولُس اور سِیلاؔس دُعا کر رہے اور خُدا کی حمد کے گِیت گا رہے تھے اور قَیدی سُن رہے تھے۔
(26) ۔ کہ یکایک بڑا بَھونچال آیا۔ یہاں تک کہ قَید خانہ کی نیو ہِل گئی اور اُسی دَم سب دروازے کُھل گئے اور سب کی بیڑِیاں کُھل پڑِیں۔
(27) اور داروغہ جاگ اُٹھا اور قَید خانہ کے دروازے کُھلے دیکھ کر سمجھا کہ قَیدی بھاگ گئے۔ پس تلوار کھینچ کر اپنے آپ کو مار ڈالنا چاہا۔
(28) لیکن پَولُس نے بڑی آواز سے پُکار کر کہا کہ اپنے تئِیں نُقصان نہ پُہنچا کیونکہ ہم سب مَوجُود ہیں۔
(29) ۔ وہ چراغ منگوا کر اندر جا کُودا اور کانپتا ہُؤا پَولُس اور سِیلاؔس کے آگے گِرا۔
(30) ۔ اور اُنہیں باہر لا کر کہا اَے صاحِبو! مَیں کیا کرُوں کہ نجات پاؤں؟
اُنہوں نے کہا خُداوند یِسُوع پر اِیمان لا تو تُو اور تیرا گھرانا نجات پائے گا۔(31)
خدا کی تعریف کرنے سے کِس طرح حالات پَولُس اور سِلاس کے لیے بدلے؟
اپنے دوست سے پوچھیں
اطلاق
-
عبادت آپ کی زندگی میں مدد کیسے کر سکتی ہے؟
-
آپ عبادت کو اپنے طرز زندگی کا حصہ کیسے بنا سکتے ہیں؟
-
کچھ ایسی کون سی چیزیں ہیں جن کے لیے آپ ابھی خدا کی عبادت/تعریف کر سکتے ہیں ؟
دُعا
خداوند خدا، میں آپ کی تعریف کرتا ہوں! آپ بہت عظیم ہیں ! آپ میری زندگی میں اولین درجہ رکھتے ہو! میں آپ کا شکریہ ادا کرتا ہوں کہ میں کسی بھی وقت آپ کی عبادت سے لطف اندوز ہو سکتا ہوں۔ ميں آپ سے پيار کرتا ہوں۔
اہم آیت
اُس نے اُس سے کہا کہ خُداوند اپنے خُدا سے اپنے سارے دِل اور اپنی ساری جان اور اپنی ساری عقل سے مُحبّت رکھ۔
