ایک ڈھونڈنے والے کو ڈھونڈ لیا گیا۔
زکائی ایک شخص تھا جو درخت پر چڑھ گیا تا کہ یسوع کو دیکھ سکے۔ لیکن یسوع بھی زکائی کو دیکھنے کا خواہش مند تھا۔ اور اُس دن اُس کی زندگی بدل گئی۔
لوقا 1:19-10
(1) وہ یریحُو میں داخِل ہو کر جا رہا تھا۔
(2) اور دیکھو زکّاؔئی نام ایک آدمی تھا جو محصُول لینے والوں کا سردار اور دَولت مند تھا۔
(3) وہ یِسُوؔع کو دیکھنے کی کوشِش کرتا تھا کہ کَون سا ہے لیکن بِھیڑ کے سبب سے دیکھ نہ سکتا تھا۔ اِس لِئے کہ اُس کا قَد چھوٹا تھا۔
(4) پس اُسے دیکھنے کے لِئے آگے دَوڑ کر ایک گُولر کے پیڑ پر چڑھ گیا کیونکہ وہ اُسی راہ سے جانے کو تھا۔
(5) جب یِسُوؔع اُس جگہ پُہنچا تو اُوپر نِگاہ کر کے اُس سے کہا اَے زکّاؔئی جلد اُتر آ کیونکہ آج مُجھے تیرے گھر رہنا ضرُور ہے۔
(6) وہ جلد اُتر کر اُس کو خُوشی سے اپنے گھر لے گیا۔
(7) جب لوگوں نے یہ دیکھا تو سب بُڑبُڑا کر کہنے لگے کہ وہ تو ایک گُنہگار شخص کے ہاں جا اُترا۔
(8) اور زکّاؔئی نے کھڑے ہو کر خُداوند سے کہا اَے خُداوند دیکھ مَیں اپنا آدھا مال غرِیبوں کو دیتا ہُوں اور اگر کِسی کا کُچھ ناحق لے لِیا ہے تو اُس کو چَوگُنا ادا کرتا ہُوں
(9) یِسُوؔع نے اُس سے کہا آج اِس گھر میں نجات آئی ہے۔ اِس لِئے کہ یہ بھی ابرہاؔم کا بیٹا ہے۔
(10) کیونکہ اِبنِ آدم کھوئے ہُوؤں کو ڈُھونڈنے اور نجات دینے آیا ہے۔
یسوع کی تلاش
آپ کیا سوچتے ہیں زکائی کس قسم کا شخص تھا؟
آپ کیا سوچتے ہیں کہ زکائی یسوع مسیح کو دیکھنے میں کیوں دلچسپی لے رہا تھا؟
یسوع نے ڈھونڈ لیا۔
آپ کیا سوچتے ہیں کہ زکائی نے کیسا محسوس کیا ہو گا جب یسوع نے اُسے درخت پر دیکھ کر اُس سے بات کی؟
زکائی کس طرح کھویا ہوا تھا؟
یسوع کے وسیلے سے نجات
زکائی کیسے اور کیوں بدل گیا جب وہ یسوع سے ملا؟
کیوں یسوع نے کہا کہ آج زکائی نے نجات پائی ہے؟
اپنے دوست سے پوچھیں
آپ کیسے یسوع سے ملے ؟
کیسے یسوع سے ملنے کے بعد آپ کی زندگی بدل گئی؟
اطلاق
کِن طریقو ں سے اپنی زند گی میں کھو جا تے ہیں؟
کیا آپ یسوع سے ملنا چاہتے ہیں؟
نمونےکی دُعا
خداوند یسوع میں تیرا شکریہ اداکرتا ہوں کہ تو مجھے جانتا اور مجھ سے پیار کرتا ہے۔مہربانی سے میری مدد کر کہ میں تجھےجان اور سمجھ سکوں۔ مہربانی سے اپنا آپ مجھ پر ظاہر کر۔
اہم آیت
۔ کیونکہ اِبنِ آدم کھوئے ہُوؤں کو ڈُھونڈنے اور نجات دینے آیا ہے۔
